اولا : دايما الاقي ناس بتتسأل : انت بتحب مصر ليه ؟ قولي حاجه حلوه في مصر ؟
دايما نجيب اسم (مصر) و كونها بلد مش تمام .. بس تعالوا هنا اما اسألكوا سؤال صغنن
مصر عباره عن ايه
سؤال غريب ..؟ يعني ايه مصر عباره عن ايه
انا من وجهه نظري المتواضعه مصر تنقسم الي جزئين
شعب اللي هو احنا انا و انت و عم سماعين و ام سحلول و كل طبقات الشعب الكادحه و الغنيه و المتوسطه
الارض اللي عايشين فيها !وفوقيها وتحتيها
طيب لما نيجي نقول مصر فيها عيوب كتير
هل تقصد بذلك اخي او اختي العزيزه شعبها؟
ام تقصد ارضها ؟
هل العيب في الارض الصلبه اللي مالهاش حس .. ولا الشعب كل بلد في الدينا عباره عن ناس ما ينفعش بلد من غير ناس
يعني تخيل لو مصر مافيهاش شعب .. هل حتقول عليها ساعتها وحشه لا طبعا الانها حتكون حته ارض فاضيه
طيب.
هه بتقول إيه ياكابتن. ايوة انا سامع واحد بيقولي .. طيب انت بتقول كل الكلام ده ليه عاوزين نفهم يا عم الأمور
حاضر حقول اهو..
العيب مش في مصر ...كونها اسم الارض اللي احنا عايشين فيها... العيب في الناس ... اللي همه احنا.. اللي هو الشعب
( خلاص فهمنا يا باشا )
لما تكون البلد وحشه ده كونها اننا احنا اللي مبوظينها اخلاقنا راحت في علبة كانز ..وساندوتش شاورما
حتقولوا طيب ياخويا الشعب المصري جدع و ابن بلد .. و الخ الخ من الكلام بتاع المسلسلات المصري
حقول عندكوا حق ... بس كام نسبه الناس الكويسه ...؟ مممممممممم
نقول مثلا افتراضيا10% ؟؟ حلوين ..؟
بلاااااااااااااش خليهم 15 % علشان الحبايب ... طيب الباقي ...؟ ال 85% دول ؟؟ اين ذهبوا ؟
طيب انا حصنف الناس الوحشه دي الي اقسام من
منهم اللي بيعاملوا السياح بطريقه نصب و نهب .. و الهف يا عم علي قد ما تقدر منهم و الحاجه ام ربع جنيه يعملوها ب 200 جنيه
معامله المصريين لبعض بقت مش تمام و ماحدش يقولي لأ بقي
ماحدش دلوقتي ليه دعوه بالتاني .. يعني لو حد ضايق بنت في الشارع بيصادف انه ظابط بيعاكسها طب هي تلجئ لمين لما تكون الجهه اللي المفروض تدافع عنها هي الجاااااااااني ..؟
هجاصين قوي في الكلام
اخر شعب يتصرف و يحل المشاكل
مهما ننصح و نوعي في الناس بوسائل الاعلام و الراديو و النت .. برضه مش محوق ده دليل ان الفول لعب في دماغنا بطريقه شديدة .
قرأت هذه الجملة "
النفوس صارت أضيق من أن يتسع بعضنا لبعض
في اسباب كتير بس الاسف الشديد مش قادر افتكرها بس نكتفي بدول ... حلوين دول نرغي فيهم لحد 100 سنه جاي
كل اللي انا عاوز اقوله ... ان الشعب المصري تحول في السنوات السابقه الي شئ غريب
شباب غير متحمل للمسؤليه و دايما متمسكين بالماضي و احنا بنينا الهرم ..هرم إيه ده اللى بنيتوا(معلش ياكابتن أصلك برده بتقول كلام مستفز يعنى) طيب و بعدين
ها دلوقتي في ظل التطور الرهيب اي دوله تقدر تبني هرم الجيزه دول كتير مالهمش تاريخ زينا.. بس ليهم مستقبل و تطور
لكن انا اعتقد اننا حنفضل زي ما احنا ... و برضه احب اختم كلامي بحاجه ...
انك لما تيجي تسال نفسك ... طيب انا المفروض احب مصر ليه و انتا عمال تسود الدنيا في وشنا
اقولك فكر في حاجه واحده... اهم حاجه انك حر في بلدك ... مش حر بمعني الفوضوي انا اقصد انك بتمارس حياتك بطريقه طبيعيه بتروح جامعه و بتتعلم و بتتخانق مع صحابك
عايش حر .. مش مثلا زي دول تانيه تلاقي قنبله نازله ترف فوق دماغك. او مش عارف تروح جامعتك علشان القوات عامله حظر تجول اهم حاجه فكر فيها انك اه عايش في بلد ممكن مش تكون زي اي دوله بره .. بس الحمد الله اهو عايش فيها من غير قنابل ولا قصف جوي و لا بيت سقفك وقع فوق دماغك .
طيب سؤال انت
( بتحب مصر ليه )
وكمان ثوااااانى كده انتا جربت تغنيلها طب ماشربتش من نيلها .
ليست هناك تعليقات:
إرسال تعليق