الخاطى يرد

قصة حدثت بالفعل

اتعود أبونا فى كنيستنا انه وقت الاعتراف بيسيب ورقة بره كل واحد يكتب فيها اسمه بالدور وهو يطلع ينادى على الاسم اللى هايدخل يعترف وهكذا ..

فدخل واحد ورا التانى يكتبوا اسمائهم لحد ما جه واحد وكتب اسمه " الخاطى " ..

ولما جه عليه الدور، وقف ابونا ونادى وقال " الخاطى ييجى " .. لكن ماحدش رد

فنادى تانى وقال " يا جماعة الخاطى ييجى " .. لكن برضه ماحدش رد ..

مرة فى التانية فى التالتة .. جاله الراجل ده وقاله .. " لوسمحت يا ابونا ماتندهنيش خاطى كده قدام كل الناس "

وكان هو وفعلاً الشخص اللى كتب الكلمة ديه

يمكن تحس ان الحكاية ديه تافهة ومالهاش معنى

لكن تعالى نتأمل فيها

ليه بنتواضع فى الخفاء .. ولما الموضوع ييجى على كرامتك بتبيع

ليه كلنا بنبقى زى العشار ما بينا وبين نفسينا .. لكن نيجى قدام الناس نبقى فريسى فريسى

ليه بنكدب على نفسنا وعلى اللى حوالينا عايزين نقولهم اننا فى مرحلة روحية هايلة ..

تعالوا نصلى علشان ربنا يشيل من قلوبنا الازدواجية ..

تعالوا نصلى علشان نبقى شخص واحد وشخصية واحدة قدام المسيح والناس ونفسنا